يقول الفيلسوف باسكال : " عظمة النفس الانسانيه في قدرتها على الاعتدال لا التجاوز " , كتاب فلسفه في حياتي ص 44 السطر الـ خامس عشر بعد الفاصله الثانيه !
ولاننسى ما قاله الكبيـر ليوتولستوي " الجميع يفكر في تغيير العالم ولكن لا احد يفكر في تغيير نفسه ! " كلام عظيم فعلا , اما المدهش جدا ما قاله افلاطون قبل
عما سيحصل بعد 50 سنه !! " من يأبى اليوم النصيحه الي لاتكلفه شيئا فسوف يظطر في الغد الى شراء الاسف بأغلى الاثمان . " شكرا لكم !
...
اصبح المجتمع اليوم مجتمع [ قز ! ] .. وفراغ [ عاطفي ] و ايضا [ وجداني ] واصبح الجميع يدور عن ما يترس [ المخ ] حب ودخان ودياثه وقلة [ ادب ] ..
وبخ !!! .. عليك وعلى [ افكارك ] .. كل ماشفت احد قلدك قلت [ اووخ ] .. شفيك عسى ماشر [ شمالك ] ...
اصبح الفكر الشبابي من الداخل [ BB ] وشلون اقنع الوالده دقلي [ Iphon 4g ] وشلون اقنع الغثيث ابوي يشتريلي [ سياره ] .. ومتى اواعد الشباب نطلع [ مرييينا ] .. نكحل عيونا [ المريره ] .. وشلون ولد جارنا [ ابو ريتاج ] يخش عنا بنته [ ريتاج ] .. ابي رقمها الحين .. ما اتركها لو [ شيصير ] ..
وين محمد ما جانا اليوم كنت ميهزله صور [ بالبوم ] ومقاطع ثقافيه وهوس و [ جنون ] .. ياقلبي المفتون فيك دوم [ مفتون ] .. اليوم صبحنا جان يطلع اليوم [ عيد ]
هذا ينطره محمد واخوه [ يزيد ] .. اليوم شباب بنطلع افنيوز وعلى قولة بعض فئات المجتمع [ افنيوس !!! ] .. اليوم البنات [ خمممه ] شيل وحط واللي تقدر تمسكه وتضمه [ ضمه ] .. عادي الحياه دياثه وانتكاس بالفطره [ وتعاسه ] .. ما براسنا علم ولا براسنا [ دراسه ] .. ولا جا وقت [ الشهاده ] شوف ويه ابوك وشوف شكبر [ راسه ] معصب عليك ياولدي ادرس كافي [ عفاسه ] .. ماتفيدك غير [ شهادتك ] في زمان [ الشهاده ] ..
صار فصيل دلع [ فصووول ] بعد ماكان فيصل ابو [ هادي ] .. صارت الاسامي [ مساخه ] حمود وخلود وعبود و [ اجاصه ] من بو جاسم ومن بو عبد الله وبو خالد وبو سعيد وبو بخيت و [ خواته ] الى [ حموودي ] و [ عزوزي ] و [ صلوحي ] والـ [ لووتي !!!!!! ] ..
من بناتنا العزيزات سميره واميره ومجيده وغنيمه و[ قماشه ] صار اساميهم [ توته ] و [ ونونه ] و [ كتكوته ] وبسج [ مياعه ] ! .. و [ خوخا] و [ دوخه ] والحاله [ ناشفه ] .. حبيبتي بالايميل [ فلانه ] .. نسيتي حبنا شكانت [ الوانه ] .. اصفر وبنفسجي وساعات تكونين علي [زعلانه] .. وعيسى خطب اخت [ فلانه ] !!!
حبيبي راعي الرنج روفر .. تمشي بالخليج لابس [ بلوفر ] .. ماله داعي تأشر وتخز او تطلع [ الفون ] .. لموترك يكفيك ويزود عنك مجهودك وكل تعب[ اليوم ] ..
اهي راح تأشرلك بكل سهوله وتقولك حبيبي اسمي [ امونه ] .. اخذ رقمي وسجل [ ظنونه ] .. صفر صفر اربعه خمسه جنت [ جنونه ] ..تحياتي حبيبتك [ امونه ]
حبيبي راكب اللكزس امورك عسل و [ مزمز ] .. امش على الطريق السليم وسو نفسك [ ثقل ] وابعد عن شخصية [ المليق ] .بو قفل !. واسمو بأخلاقك وخل قلبك [ صخر ] مثل الـ [ جليد ] ..لاتحاني لا بنات ولا [ رقم ! ] .. ربك يرزقك من حيث لأ [ تدري ! ] .. فقط اكتب على محبوبك [ الجام ] .. جمله لاتحتاج مدرس ولا علامات [ استفهام ] .. call me 666666 وامش امورك طيبه [ تمام ] !!!!
حبيبي راعي الاسكاليد دايم يركبونه قرعان شايلين اللحيه ومسوي سكسوكه وداق [ البيز ! ] انت عاد وضعك ماهو صعب [ كثير ] ماعليك انك تعمل [ كثير ] بس ابي منك شوية مجهود ! .. ما عليك امر روح مر [ الشويخ ] وقول ابي سستم بيز 20,000 واط .. بس عساس [ التفجير ] .. ونصيحه اختار شريط [ lail wayne ] تراه فنان (ن) [ عجيب ] بيزه نوع [ بفففففففففففففففففففففففففففففففففف ] الموجه المستمره والمزعجه .. او اذا تبي انواع [ مزيد ] حاضر تامر امر عندي لك [ الجديد ] .. اخذ [ akon ] حده عتيج .. بس بيزه نوع [ طب شك طب طب شك ] .. هذا اعجبك [ بالتاكيد ] .. شكرا شكرا كافي مابي [ المزيد ] !
حبيبتي راعية البورش توج متخرجه من جامعة [ بوش ] .. عمرج 18 سنه و ابوج [ هامور ] اكيد يعني بيطقلج [ بورش ] .. تمشين بالشارع لا يسار ولا [ يمين ] بس ماسكه سيدا جنج سايقنا [ امين ] وحدج 100 ماتعدينها لو تمشين 1000 [ ميل ] اهم شيىء وصيت والدج واخوج وبعض [ الحريم ] .. فجأه قررتي [ تمسيكن ] اليسار .. وكل ما شطف واحد على [ موترج ] بسرعة 200 رحتي و قمتي [ تبجين] .. يما بموت ابي زوجي ابي ابوي ابي [ عسكرررريييييم ] .. اسمحيلي وروحي زين ما عاد فيه [ عسكريم ] .
عزيزي الشاب [ الخفيف ] .. تأجر سيارة وتروح تمشي بثماله[ بالطريج ] ..تحرش بنات خلق الله يا [ سخيف ] .. عبالك لك بـ [ يسمعوون ] انت اصلا شخص [ مليق ] تحتاج الا اعادة فكر .. وتنظيف الفكر والعواطف والمخ والـ [ مخيخ ! ] .. حاسب دير بالك يا [ عبيط ] درب المهالك عنك ماهو [ بعيد ] او كما قال الجنرال روبرت [ زيف ] اكثر ما يغيضني الجندي التافه في [ جيشي ] وانا اقول مثلك يا عمي الجنرال [ زيف ] اكثر ما يغيضني الشاب التافه في [ بلدي ] .. العزيز
وبالختام اعزائئ [ الاعضاء ] بقول حرف الـ [ الالف ] وبنسى [ الضاء ] ..شباب جيلنا فيهم ما عاد يفيد كل فكرهم قز ومسخره ولا [ جديد ] متى تبنى العقول ويستمرون على نهج [ معقول ] .
انتهى الحديث بطريقة الجزل ومخاطبة العقول من اصغرها الى اعلاها ! .
وبالاخير :
لي متى شبابنا بس حياتهم فراغ مافيه شغل مافيه دراسه مافيه شيىء يلزمهم !!
هذا خطر يهدد مستقبل الدوله !! لمن يأتي جيل جاهل ولا ينتج ولا يعمل شيىء !
فقط يعتمد على فلوس ابوه وعلى اخر شيىء نزل بالسوق !
الموضوع منقول
![الجيـل التـافـه خطر يهـدد المجتـمع [ رساله لمن يهمه الامر ! ] Icon_minitime](https://2img.net/i/fa/icon_minitime.gif){kind=icon}
السبت فبراير 19, 2011 2:25 pm
