الطرق الهلالي
على الطرق الهلالي نظمت اروع القصائد واغلبها
نوادر وحكم ومما يميز الطرق الهلالي روعته وسلاسة
عبارته وجزاله معانيه وقد سمي هذا الوزن بالهلالي نسبة
الى بني هلال من بني عامر بن صعصه وبنو هلال القبيلة
المعروفة هاجر اغلبهم الى المغرب العربي في تغريبة بني
هلال هنا ننقل لكم بعض القصائد بل المعلقات واللتي نظمت
على الطرق الهلالي وامل من الاخوان من يجد قصيدة جيدة
وعلى نفس الطرق ان ينقلها لنا ولكم الشكر
نبدا بابو زيد الهلالي
يقول ابـو زيـد الهلالـي سلامـه
عِرض الفتى مثل القزاز الرهايـف
أصونه عـن الانـذال لايكسرونـه
ومن جانب الأجواد مانـي بخايـف
ثلاث معانـي مـا وطاهـن خيّـر
لك الحمد انا منهن ثيابـي نظايـف
منهن من يضوي على بنـت عمـه
وهو سترها الضافي نهار الكشايـف
ومنهن إعراض الفتى عـن قرينـه
الى مشعوا حدب السيوف الرهايـف
ولاني بمن يعطـي عطـاه ويمنـه
ولو جا من المُعطى امـور عنايـف
الى مضى الماضي وراح الذي مضى
أخسّ ما تطري الرجـال الحسايـف
ومن المواقف اللي صارت بسبب الجفاف ان ابو زيد كان
هو وواحد اسمه عزيز ابن خاله رايحين يسقون ابلهم ونزل
عزيز في البير يملا الدلو لخاله ابو زيد نزل عزيز في
البير مع نزوله قرصته حيه و (ون) منها وسمعه ابو زيد وقال له:
سمعت منك يا فتى الجود ونه
عساك منها يا فتى الجود سالم
قال عزيز :
انا سالـم منهـا ولانـي بسالـم
والراس ما تطوى عليـه الغمايـم
أنا سالم لو ما ازرق الناب عضني
ضربنـي بنابـه واتقـا فالرقايـم
وانا خايف يا خال هـذي منيتـي
ومن رافقك يا خال مـا رد سالـم
وحلفت أنا يا خال لروي ركايبـك
واخلي الماء من على الحوض عايم
قال ابو زيد
يا وليّد قم خم الرشا واحتزم به
خل اظهرك عن بير فيه الصمايم
ملا عزيز الدلو وطلعه خاله من البير ويوم شاف
ابو زيد ان الموت جا عزيز( ون) ابو زيد ويوم
سمعه عزيز قال
يـا خـال خـل الـدوح والـنـوح خـلـه
واعمل بقبري يا عطيب الضرايـب
خـل القبـر فـي راس عيطـاً طويلـه
وسيفي ورمحي حطهن لي نصايـب
أغــدي بـنــات الهـلالـيـه يجـنـنـي
يجـذ علـى قبـري بـروس الذوايـب
وداعـتـك يـــا خـــال ورعٍ صـغـيـر
ٍ يلعـب مـع الصبيـان وابـوه غايـب
احذرك انا يا خال عن ضربه العصا
أو نـهـرةٍ تــودع قلـيـبـه حـطـايـب
وقولوا لبنت امـي تغطـى وتستحـي
ليـا جولهـا الخطـاب فـوق النجايـب
وقولـوا لبنـت العـم تـرحـل لاهلـهـا
حرم عليهـا اليـوم شـوف الحبايـب
(بنت العم يقصد بها زوجته) مات عزيز ودفنه
ابو زيد مثل ما وصاه وصب الدلو
اللي طلعه عزير على قبره وقال ابو زيد فيه
دفقـت علـى قبـر الهلالـي قربتـه
وخليتها تسق الريـاض المجـادب
وحطيت على قبر الهلالي جوخته
وخليتهـا تــذرا عليـهـا الهبـايـب
وحطيت على قبر الهلالي فتختـه
فـي مـا قـع يشوفهـا كـل صاحـب
وعقلت على قبر الهلالـي بكرتـه
وخليتهـا تعتـب حـوالا النصايـب
تحياتي للجميع
وسوف نضيف للموضوع قصائد اخرى انشاء الله
[quote]
الأربعاء مارس 09, 2011 5:04 am